العالم اليوم
اهلاً بكم في منتديات العالم اليوم
يسرنا ان تقوم بالتسجيل معنا
واذا كنت مسجل يسعدنا ان تقوم بتسجيل الدخول
وشكراً


منتدى يختص بشؤون الحياة اليومية وكل ما يتعلق بالحياة والمجتمع
 
الرئيسيةمكتبة الصورالتسجيلدخول

شاطر | 
 

 مواقف تتعرض لها و أنت بالسرفيس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
semo
الأعضاء العشرة الأوائل
الأعضاء العشرة الأوائل
avatar

عدد المساهمات : 80
السٌّمعَة : 10
تاريخ التسجيل : 23/01/2010
العمر : 36
الموقع : syria - damascus

مُساهمةموضوع: مواقف تتعرض لها و أنت بالسرفيس   الأحد مايو 23, 2010 12:56 am

وانت طالع ممكن يخبط راسك بالباب ...

اذا كنتي بنت رح تسمعي :

الله الله خير صار لك شي ؟؟؟؟
من كل الركاب .. و نظرات العالم كلها شفقة ..
و وكلن رح يضربوا الشوفير لأن الحق عليه ..
ليش ما اشترا سرفيس الو اكياس هوا مشان الصدمات

اما اذا كنت شب ؟؟

رح تسمع العالم عم تضحك عليك ..
وتقول العما ضربو مانو شايف !!!!!!!
يالله بيستاهل ..شوف وين كان عم يبصبص

..........................

وقت بتسكر الباب بهدوء تبعا لتعليمات الاعلان اللي موضوع عالباب وما بيتسكر ؟؟

اذا كنتي بنت …

دخيل الله شو هالأنوثة ..
ليك وحتى عالباب مالها نفس تخبطو

اذا كنت شب …

ليك التشتوش ليك ..
مالو حيل يسكر الباب .. تفو على هالجيل

...............

واذا بتسكرو بقوة ..

اذا كنتي بنت …

يا حرام اكيد معصبة من شي شغلة الله يعينها ..

اذا شب ….

هشششش .. فهمنا انك قبضاي .. خلعت الباب

...............

وانت قاعد ممكن يجيك اتصال ..

اذا كنتي بنت …

.. اخ مأحلا صوتها نيالو المحظوظ ..
ومعها اريكسون يا اخي مزوقة

اذا كنت شب …

. تضرب انت واللي داير عليك ..
وطي صوتك صرعتنا والله فهمنا معك موبايل

..............

وقت بيوقفلك الشوفير وما بيكون في معو محلات أصلاً ..

اذا كنتي بنت ...

ما عليكي الا انو تنظري نظرة وحدة ..
لأي شب من اللي قاعدين
بتلاقيه نط وقعد عالسفنجة اللي بعكس الشوفير

اذا كنت شب ..

دبر حالك عالدولاب ..
وازا ما عجبك روح مشي ..
شهههه .. نحنا بعمركن كنا نروح عالحسكة مشي

.............

وقت بيكون معك اغراض ..

اذا كنت بنت ..

في مين يطالعلك ياهن وينزلن ..
ويحطن بحضنو اذا بدك ..
والناس شو بتقول بقلبها : يا حرام!! وين اخواتها الشباب يجيبو الاغراض

واذا كنت انت اخوها وجبنت الاغراض ..
شو رح يقولو ؟؟
هوهوووووووو علينا ..
تعا حطن بحضننا !!!
كلو مشان ما تاخد تاكسي العمى عالبخل

..............

وقت بتطلع غنية بشعة والصوت قوي ..

اذا كنتي بنت ..

الك الحق تقوليلو وطي الصوت ازا بتريد
او غير المحطة
والعالم رح تقول .. اي اي غيرا (اكيد في الها ذكرى حزينة بقلبها)

اما اذا شب .؟؟؟
رح يلتفت عليك الشوفير ويقوي الصوت حبة تانية
ورح يقول : ليك هالعالم ليك بدو يشترينا بالخمس ليرات تبعيتو !!!

..........

وقت بدك تعطي الاجار

ما بتفرق بدك تحط ال 10 ليرات
اذا بتكون جاية من جزر القمر
وهاي الشغلة الوحيدة اللي ما فيها تفرقة عنصرية

...............

وقت بدك تنزل وتقول للشوفير على مهلك وما يسمعك بسبب الاغاني ..

اذا كنت شب ..
بيتطلع فيك اللي حدك وبيقلك بنظرة فوقية : ما سمع صوتك
وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟

واذا بنت ..
ما عليكي الا انو تفكري تفكير بالنزلة
او تهمسي همس بينك وبين حالك .. نزلني ..؟؟
واسمعي الشباب كلن بصوت واحد :
على مهلك على مهلك ….. نزلها …. شو مانك سامع ؟ …. عاليمين … نزلاااااااااااااااااااااا
الرجوع الى أعلى الصفحة اذهب الى الأسفل
..سهر الليالي..
الأعضاء العشرة الأوائل
الأعضاء العشرة الأوائل
avatar

عدد المساهمات : 76
السٌّمعَة : 10
تاريخ التسجيل : 18/01/2010
العمر : 26
الموقع : سوريا

مُساهمةموضوع: رد: مواقف تتعرض لها و أنت بالسرفيس   السبت يونيو 19, 2010 3:24 pm

والله يا ابو السيم لازم روح واطلب بالغاء كل السرافيس بسببك

طيب يا اخي ضروري هالفضايح

مرة صار معي موقف

كانت ريمون اخدتنا مشوار انا وبنت عمي
وقالت رح ناخد تكسي لانو المكان بعيد
وياسيدي وقفنا كتير وما اجا تكسي
قامت الخانم اخدتنا وركبتنا بسيرفيس ,,
وهي كانت اول تجربة الي بركبة السيرفيس
وما كنت بدي اطلع بس ريمون حطتني تحت الامر الواقع وركبت للاسف
وقعدت جنب وحدة كأنها كانت عم تصيد سمك وريحتها غيييير شكل
ولزقت فيني وهي سميييينة كتيييير وعينك ما تشوف الا النور
وفوق كل هيك كانت عم تحاكيني وماعم افهم عليها شي
وانا عم الها اي مظبوط قام مابعرف شو حكت كلمة وقلتلها اي
واذ يقوم رجال قاعد جنبها ويصرخ هداك الصوت
طلعت عم تحكي شغلة كبيرة وانا مو فهمانة
وبالاخير فهمت انها عم تحكي كردي Embarassed ويلي جنبها كردي كمان
هههههههههههههه وفضايح كتير صارت لبين ما وصلنا للمكان المطلوبس ما رح احكيها لانو طولت عليك بالرد


بس بدي اشكرك كتيييير لانك عم تحكي عن مشاكل المجتمع
(( قصدي طالع فضايح العالم ))

كتر خيرك

يسلموووو كتيييير
الرجوع الى أعلى الصفحة اذهب الى الأسفل
 
مواقف تتعرض لها و أنت بالسرفيس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
العالم اليوم  :: ترفيه العالم اليوم :: قسم النكت والطرائف-
انتقل الى: