السكسوكة .. نهى نبيل

هذاك المار قدامي وله نظرات قتــــــــــــالة
له سكسوكة حلوة بأقصى الوجه مرتسمـة
حرمني النوم في ليلي ، حرمني النوم عقباله
يحس الشوق في صدره ذبحه وزاد في همــه
أحب أمه ، أحب عمه ، أحب جده ، وأحب خاله
أموت بنظرة عيونه وأعشق كل حروف اسمــــه
أحب جدهِ ، وأحب هزله ، أذوب وحالتي حاله
وإذا يطروه قدامــــــــي أحس بداخلي صدمة
ذبحني بكثر ما اشتاقه ، ذبحني بكثرة أشغاله
شغلني ، جنن قليبي ، فصلني من على الخدمه
يا ليت أقدر أصيـــــر بيوم شيّ دايم قبالــــــه
واراه بكل مكان يروح شيّ غالــي يهمـــــــه
يا ليتني ساعةٍ بيده ، أو أرقام بجوالــــــه
يطقطقني على كيفه ، ولا أحفظ سوى رقمــه
أنا ادري انه يعانـــي ، وأدري صعب أحواله
قلبي ما يطاوعنـــــي يبي دايــم وهو يمه
أنا ما يهمني ربعه ، وعذالـــــــي وعذاله
احبه بكل جنون الحب والإحساس والذمه
صحيح انه يكذبني ، وظنونه على باله
لكني بعلمه كيف هو دمي وأنا دمـــه
يقول اني أنا أنسى ،، فال الله ولا فاله
لو بنسى أن نفسي ، ما انسى أبد رسمه
يا قلبي شوفلي حلٍ بحبه صار لي علـة
يا إما تجيبه لعندي ، وإلا اطلبه من أمه ..

من احلى ما كتبت نهى نبيل

يسلمو ايديك سيمو

مابننحرم منكــ

شكراً لتواجدك الدائم ..

تحياتي

» قصيدة أحبه .. نهى نبيل